Police officials ne bataya ki last week RR Nagar me ak 41 saal ka aadmi swimming pool me doob gaya.
Mritak Gattigere ka resident Dayanand hai. 17 August ko dophar kareeb 2:45 baje Dayanand aur uske 4 dost RR Nagar 4th stage sthit Best Club me swim karne gaye the. Shaam kareeb 4:40 min pe unke ak dost ki wife ne unki wife ko bataya ki unhe hospital me admit karaya gaya hai.
Police report ke according Dayanand ke doston ne unki patni ko bataya ki dophar 3:40 min se 4 baje ke beech wah pool ke deeper part me tairkar chale gaye aur doob gaye. Lifeguard aur unke doston ne Dayanand ko bahar nikala aur hospital le gaye.
Halanki, 18 August ko subah kareeb 7:55 min pe unki death ho gayi. Dayanand ki patni ne police ko bataya ki unhe unki death me gadbadi ka shak hai.
RR Nagar Police ne Unnatural Death Report (UDR) register kar investigation start kar di hai.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi