Paralympic Summer Games ka 17th edition 28 August se 8 September tak Paris me hoga. Paris Paralympics me world ke 4000 se jada athletes participate karenge.
Paralympic history me sabse jada medals jeetne wali athlete USA ki Trischa Zorn-Hudson hain. American swimmer ne 32 gold medals, 9 silver medals and 5 bronze medals ke saath 46 medals jeete. Zorn-Hudson ak genetic eye condition ke saath paida hui thi, jiski wajah se wo blind ho gayi thi. Unhone first time 16 saal ki umra me 1980 me Arnhem Paralympic me participate kiya aur 7 medals jeete.
Unka swimming career 1980 se 2004 tak chala, jiske dauran unhone 7 Paralympic Games me participate kiya.
Barcelona me 1992 ke Paralympic Games me unhone 10 gold medals aur 2 silver medals ke saath individual medal table me top rank haasil kiya. 2000 me Sydney Games me unhone apni disability category me 8 world records bhi banaye.
Unhe 2012 me International Paralympic Hall of Fame and 2022 me US Olympic and Paralympic Hall of Fame me shaamil kiya gaya.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi