You are working on Localhost

Ak Saal Baad Bhi Swimming Pool Ka Reconstruction Work Start Nahi Ho Saka

Mahamaya Sports Stadium me bane swimming pool ke reconstruction ka kaam ak saal baad bhi start nahi ho paya hai. Ye swimming pool last ak saal se band pada hai, jiski wajah se iss sport se related swimmers ko private pools me practice ke liye jana padta hai.

District ke akmatra government Mahamaya Stadium me different-different sports me training lene ke liye players door-door se aate hain. Delhi se paas hone ki wajah se yhan players ka kaafi pressure hota hai. Kareeb 12 acre me bane stadium me swimming ke liye 2012 me 3 swimming pool ka construction kiya gaya tha. Taaki local players ko benefit mil sake. Lekin kai saal purana swimming pool ab kharab pada hai jisse ye last ak saal se band pada hai. District Sports Department ne last year swimming pool ko reconstruct karane ke liye government ko proposal bheja tha jise kuchh din baad hi approve kar diya gaya tha. Lekin abhi tak iska kaam start nahi ho saka hai. Jabki iska kaam February se kiya jana tha. Isse swimmer athletes ko bahot problem ho rahi hai. Stadium ka swimming pool band hone se majboori me private pool jana padta hai. Isse financial problem bhi hoti hai. Iske alawa kai pool me safety ke arrangements bhi poori tarah nahi hote. Iske alawa swimming ki practice karne ke liye private pool or Delhi jaane me time bhi barbad hota hai.

Jald Hi Kaam Start Hoga 

District Deputy Sports Officer Poonam Bishnoi ne bataya ki stadium me 3 pools bane huye hain, jisme ak learning pool, doosra diving pool aur teesra 50m ka pool bana hua hai. Sabse pahle swimming pool ke reconstruction ka kaam start hona hai. Jald hi iska kaam start hoga. Athletes ki jarurat ko dekhte huye teeno pools ko International level standards ke according taiyar kiya jayega. Jisse aane wale time me future me Mahamaya Stadium me swimming ki district level se lekar national level ki kai events held ki ja sake.

Local Players Ko Fayda Hoga 

Iska sabse jada benefit district ke local swimmers ko hoga. Unhe private pools ke comparison me kam fees me hi stadium me swimming ki practice karne ki facility available hogi. Iske alawa pool me life guard aur safety ki bhi poori arrangements hongi. Pool me state-of-the-art equipment bhi maujood rahenge.

Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi

0
Leave a Reply

Subscribe
Notify of

0 Comments
newest
oldest most voted
Inline Feedbacks
View all comments

About Sanuj Srivastava

Sanuj Srivastava

Indian swimmer Sanuj Srivastava was born on 21 January 1996 in India. He started loving water at the age of 13 and seeing his love for water, his friends named him "Gold Fish". He graduated with a Bachelor of Science degree in Physics, Chemistry and Mathematics in 2016. Sanuj has …

Read More »