Swimming, ye jo sport hai na ye kai tarike se hum log se kuch na kuch leta hai aur deta hai. But “dene” ke coloumn mei jo sabse badi cheez hoti hai wo hai relationships jo hum water mei accumulate karte hai.
Records banenge aur tutenge, soreness bhi fade ho jayegi, wo behatreen dikhne wale swimmer abs bhi slowly disappear ho jayenge, but relationships zindagi bhar ke liye rahengi.
Aapke teammates se lekar us water tak jaha aap apne craft ko aur mazbut banate hai, ye kuch aisi relationships hai jo aap apne lifetime mei sikhte hai pool mei.
- Coach:- Aapke coach ke saath aapki relationship yo-yo ki tarah hoti hai aapke swim career mei. Aisa time bhi aata hai jab wo bahot gussa ho jaate hai. Aur aisa bhi time aata hai jab aapki performance dekh kar wo bahot jyada proud feel karte hai. Is pure journey mei gussa bhi rahta hai, to pyaar bhi, jeet bhi rahti hai, to haar bhi. Par sach to ye hai ki din ke end mei aap dono ek alag personality bann kar grow karte hai ek dusre ki wajah se. Is relationship ki wajah se aap apne coach se bahot kuch sikhte hai aur wo bhi aapse kuch na kuch jarur sikhte hai.
- Pain aur Discomfort:- Gussa. Helplessness. Ek poor race ke baad ye sab feelings ka aana normal hai aur har kisi ne ye jarur feel kiya hoga. Ek nhi kai baar aap in feelings ko experience karte hai, in fact, failure ke pain ko sikhna aur more importantly disappointment ke pain ko accept karna aur redirect karna sikhna ye aapki swimming journey ka ek part bann jaata hai. Ye pain sirf emotional nahi hota hai, jab aap khud ko limit ke paar push karte hai to physical pain bhi bahot hota hai. But aap us pain aur satisfaction ko accept karna sikh jaate hai jo ho us hard work ko karne ke baad aati hai.
- Aapke Teammates:- Ye aisi swimships hai jinhe aap bahot lambe samay tak sambhal ke rakhte hai. Har chiz se aap sab ek saath guzarte hai: wo long coach bus rides, six-day championship meets, disqualification sur injuries, best times aur wo last place finishes. Highs aur lows, aap ek swimmer ki life mei aane wale roller coaster ko ek saath hi experience karte hai aur iske baad aur bhi mazboot bond ke saath nikhar kar bahar aate hai. Swimming ke end hone ke baad aap inmse se kuch logo se touch lose bhi kar dete hai aur kuch log aapko “civilian” life mei bhi follow karte hai.
- Wo Someone Special:– Swimming career ke time hum sab ka koi na koi swimmer crush jarur hota hai. Aap ko wo acche se yaad hoga. Aap apne off stroke par jyada work karna start kar dete hai kyu ki ye unka best stroke hota hai. Aap pahle insaan hote hai jo unhe sabse pahle congratulate karte hai ek acchi race ke baad, aur ek bekar race ke baad aap hi hote hai jo unhe sabse pahle apna shoulder offer karte hai. Chahe aap last tak unke saath rah paaye ya nhi but apni first chlorinated crush ko bhul paana impossible hota hai.
- The Competition:- Over the years hum sab ne ek nhi kai saare competitors ko face kiya hoga. Kai baar wo hamare hi lane mei swim karte hai, kai baar aap unko summer mei hi dekhte hai championship meets mei. Wo aapke lane mei ho ya nhi ho par ye thought hi aapko push karta hai practice ke time aur mehnat karne ke liye. Isme koi doubt nahi hai ki aapka competition aapke swimming career mei bahot bada role play karta hai. Wo aapko push karte hai, motivate karte hai, aur aapke andar ka best version bahar laate hai.
- The Water:– Water ke saath aapki relationship aisi hoti hai jo aapko bahot joy aur concentration ka feel karati hai. Swimming career ke dauran ye water hi to hota hai jo aapke saath hota hai hamesha.
Iske saath hi water ka silence aapke life ke stresses ko bhi dur karta hai. Water aur black line aapko calm, silence aur quiet reflection ke moments deta hai.
Indian Swimming Ki News And Swimming Se Related Amazing Tips Janne Ke Liye Facebook Par SwimSwam Hindi Ko Jrur Like Kar Le.